(1) ရန်ကုန်စာဖြေဌာန “အ.ထ.က (၁) တာမွေ’’ ကျောင်းတွင် JLPT (N3 level) စာမေးပွဲဖြေကြားမည့် ကျောင်းသား၊ ‌‌ကျောင်းသူများသို့ အသိပေးချက်။

၂၀၂၄ ခုနှစ်၊ ဇူလိုင်လ (၇)ရက်နေ့ တွင် ကျင်းပပြုလုပ်မည့် JLPT စာမေးပွဲဖြေဆိုရန်အတွက် မိမိတို့၏ Test Voucher နောက်ကျောတွင် “အ.ထ.က (၁) တာမွေ’’ ကျောင်းလိပ်စာ ရိုက်နှိပ်ထားသော စာဖြေသူများအနက်မှ ခုံနံပါတ် (24A-2100101-33001 မှ 24A-2100101-33300) သည် စာမေးပွဲဖြေဆိုခွင့်ကတ်ပြား (Test Voucher) ပေါ်တွင်ရိုက်နှိပ်ထားသော စာဖြေဌာန “အ.ထ.က (၁) တာမွေ’’ အစား အောက်ဖော်ပြပါအတိုင်း “အ.ထ.က (၄) တာမွေ’’ စာဖြေဌာနသို့ ပြောင်းလဲဖြေဆိုရမည် ဖြစ်ပါကြောင်း အသိပေးကြေငြာအပ်ပါသည်။

ယခုကြေငြာချက်နှင့်အတူ “အ.ထ.က (၄) တာမွေ’’ကျောင်း၏ လိပ်စာ နှင့် မြေပုံအမှတ်အား အသိပေး အကြောင်းကြား အပ်ပါသည်။

အထက်ဖော်ပြပါ ခုံနံပါတ်အတွင်း မပါဝင်သော စာဖြေသူများအနေဖြင့် မိမိတို့၏ Test Voucher တွင် ပါရှိသော စာဖြေဌာနများသို့သာ သွားရောက်ဖြေဆိုရမည်ဖြစ်ပါသည်။

JLPT စာမေးပွဲကျင်းပရေးကော်မတီ

မြန်မာနိုင်ငံဂျပန်ပြန်ပညာသင်ဟောင်းအသင်း

(2) ရန်ကုန်စာဖြေဌာန Yangon-1, N4 Level အ.ထ.က (၂) ကမာရွတ် (BKMY-2) တွင် စာမေးပွဲဖြေကြားမည့် ကျောင်းသား၊ ‌‌ကျောင်းသူများသို့ အသိပေးချက်။

၂၀၂၄ ခုနှစ်၊ ဇူလိုင်လ (၇)ရက်နေ့ တွင်ကျင်းပပြုလုပ်မည့် JLPT စာမေးပွဲအတွက် ရန်ကုန်စာဖြေဌာန Yangon-1, N4 Level အ.ထ.က (၂) ကမာရွတ် (BKMY-2) တွင် ဖြေဆိုမည့်သူများ (24A-2100101- 49001 ~ 23A-2100101-49987) ၏ စာမေးပွဲဖြေဆိုခွင့်ကတ်ပြား (Test Voucher) ပေါ်တွင်ရိုက်နှိပ်ထားသော လိပ်စာမှန်ကန်သော်လည်း ပူးတွဲပါရှိသော မြေပုံသည် လိပ်စာပြတည်နေရာ လွဲမှားနေသော မြေပုံဖြစ်နေပါသည်။

ကျောင်းသား၊ ‌‌ကျောင်းသူများသည် စာမေးပွဲဖြေဆိုခွင့်ကတ်ပြား (Test Voucher) ပေါ်တွင်ပါရှိသောလိပ်စာတွင်သာ ဖြေဆိုရမည်ဖြစ်ကြောင်း နှင့် ယခုကြေငြာချက်နှင့်အတူ အ.ထ.က (၂) ကမာရွတ် (BKMY-2) ကျောင်း၏ မြေပုံအမှတ်အား အသိပေး အကြောင်းကြား အပ်ပါသည်။

JLPT စာမေးပွဲကျင်းပရေးကော်မတီ

မြန်မာနိုင်ငံဂျပန်ပြန်ပညာသင်ဟောင်းအသင်း